Loading ...
Tifozët e bavarezë ia dolën të ndalnin për disa momente ndeshjen Hoffenheim-Bayern Munchen. Miqtë shpalosën një pankartë kundër kreut të klubit vendas, Dietmar Hopp, i cili është një miliarder në Gjermani.
Arbitri kryesor pezulloi ndeshjen dhe gjithë drejtuesit, stafi teknik dhe lojtarët e skuadrës kampione reaguan dhe kërkuan heqjen e pankartës nga tifozët e tyre. Kjo situatë ka trembur pak, Karl-Heinza Rummenigge, CEO-n e Bayern, i cili nuk e përjashton mundësinë që të lëvize i mbrojtur këtë periudhë.
“E gjitha kjo duhet të marrë fund. Nuk lëviz nga pozicioni im, edhe pse tani rrezikoj që të lëviz me truproja“, deklaron zyrtari i Bayern Munchen, i cili doli kundër tifozëve të tij gjatë dhe pas ndeshjes së djeshme. /abcnews.al
