Edhe Carlo Ancelotti mendon njësoj si Pep Guardiola në lidhje me të ardhmen e Leo Messit. Trajneri i Evertonit është ndalur te zërat e merkatos gjatë konferencës për shtyp përpara ndeshjes me Crystal Palace.
Italiani i njohur e vlerëson shumë kapitenin e ekipit katalanas dhe do lumturohej të shihte “pleshtin” në ishull, por nuk beson shumë te transferimi i tij te Manchester City, një ndër klubet që përflitet për të ardhmen e argjentinasit.
ÇFARË THA GUARDIOLA: Leo Messi drejt Manchester City? Pep Guardiola tregohet i sinqertë
“Do të ishte fantastike të shihnim Leo Messin në Premier League, por nuk mendoj se është i mundur një transferim i tillë. Ai është një legjendë e futbollit dhe jam i sigurt që do të mbyllë karrierën te Barcelona“, deklaron trajneri italian. /abcnews.al
