Kepa Arrizabalaga duket gjithmonë e më larg Chelseat. Gardiani spanjoll po bën një sezon për t’u harruar dhe nuk ofron më siguri mes shtyllave. Kepa u transferua për plot 75 milion euro te Chelsea, me Blutë e Londrës që paguan klauzolën e tij tek ekipi i Atletic Bilbao.
Pas një nisje të mirë, forma e Kepa erdhi në rënie dhe Frank Lampard, ka vendosur edhe ta lërë në stol. Në merkaton e verës, parashikohet një rikthim i gardianit spanjoll në La Liga, me Bilbaon që dëshiron rikthimin e ish-lojtarit të tyre.
Si pasojë, Chelsea ka nisur punët për të gjetur zëvendësuesin e tij. Mediat britanike janë të bindura se objektivi kryesori i Bluve, është gardiani i Ajaxit, Andre Onana. Kartoni i portierit të “Harkëtarëve”, vlerësohet 35-45 milion euro, shifër më se e përballueshme nga Chelsea./abcnews.al
