Spitali i Përrenjasit është pushtuar nga errësira totalë, kjo për shkak të mungesës së energjisë elektrike. Siç shihet nga pamjet e siguruara nga ABC News shihet se pacientët po qëndrojnë në errësirë totale.
Ndërkohë OSSHE nuk ka njoftuar për ndërprerjen e energjisë, edhe pse si rregull Spitalet duhet të furnizohen me energji elektrike 24 orë.
Ndërkohë burime për ABC News kanë njoftuar se nuk është hera e parë që mungon energjia elektrike në spitalin e Përrenjasit.
Mungesa e energjisë në institucionet shëndetësore jo vetëm përbën rrezik për mjekimin e pacientëve të spitalit por rrezikon edhe jetën e tyre./abcnews.al
