Loading ...
Shqipëria po prodhon gjithnjë e më shumë energji elektrike nga dielli duke synuar të ulë varësinë e sistemit energjetik nga reshjet dhe prodhimi hidroenergjetik.
Të dhënat e Operatorit të Sistemit të Transmetimit prodhimi i energjisë elektrike nga fotovoltaikët arriti në 108,625 Mwh krahasuar me 79,113 Mwh në të njëjtin muaj të vitit të kaluar.
Nëse bëjmë një krahasim me të njëjtën periudhë të një viti më parë rezulton se rritja është me mbi 37%.
Gjatë vitit të fundit në Shqipëri janë futur në prodhim një numër i konsiderueshëm impiantesh fotovoltaike të cilat kanë shtuar prodhimin e energjisë elektrike .
Ky është një tregues mjaft optimist pasi do të ndikoj në uljen e varësisë së sistemit energjetik nga prodhimi i energjisë nga hidrocentralet
Ndërkohë, edhe konsumi i energjisë ka shënuar rritje. Sipas të dhënave zyrtare të OST-së, ngarkesa totale në sistemin e transmetimit arriti në 646.9 gigavat-orë në shtator të vitit 2026.Të dhënat tregojnë gjithashtu rritje të prodhimit nga hidrocentralet dhe impiantet fotovoltaike, ndërsa termocentralet nuk kanë kontribuar në prodhimin e energjisë.
Rritja e prodhimit nga burimet e rinovueshme shihet si një zhvillim pozitiv për sigurinë energjetike të vendit, pasi ndihmon në diversifikimin e burimeve të prodhimit dhe në uljen e ekspozimit ndaj luhatjeve të prurjeve ujore.
Shqipëria synon që brenda pesë viteve të prodhojë rreth 30 për qind të energjisë së nevojshme nga dielli dhe era. Zgjerimi i kapaciteteve fotovoltaike dhe investimet në energjinë e erës pritet të luajnë një rol të rëndësishëm në përmbushjen e këtij objektivi.
