Ish-mesfushori i kombëtares holandeze, Rafael van der Vaart, ka analizuar derbin e Madritit ku fitues doli ekipi i Zidane. Holandezi mendon se Atletico nuk bëri asnjë përpjekje për ta fituar sfidën si dhe jep një opinion për sezonin e parë në Spanjë të Joao Felix.
“Joao Felix është një lojtar i mirë, por është në klubin e gabuar. Kur ata firmosën me portugezin unë mendova se Simeone do të provonte një tjetër stil loje, por një gjë e tillë nuk ndodhi. Unë e kuptoj që fitorja është e rëndësishme, por kur ti ke një lojtar të talentuar si ai, mendoj se trajneri duhet të vendos një skemë ku Joao të ndihet mirë,” deklaron ish-lojtar i Real Madrid.
“Atletico ka disa vite që luan këtë lloj futbolli, ku mbrojtja është gjithmonë solide si dhe luan shumë me kundërsulme. Felix bëri gabim që zgjodhi madrilenët dhe atje po punon me një trajner si Simeone, i cili nuk është i duhuri për të,” mbyll Van der Vaart. /abcnews.al
