Një ngjarje e rëndë ka ndodhur këtë të premte në Maqedoninë e Veriut, ku si pasojë e një zjarri që ka rënë në një banesë kanë humbur jetën fëmijë.
Ngjarja ka ndodhur në lagjen e Shuto Orizarit, në Shkup. Sipas Ministrisë së Brendshme, zjarri shpërtheu në një shtëpi në rrugën “Brsjacka Buna”, i cili u përhap në tre shtëpi të tjera.
Si pasojë e përhapjes me shpejtësi të flakëve kanë humbur jetën dy nga katër fëmijët e familjes. Viktimat e kësaj ngjarje të rëndë janë djalë dhe një vajzë, të moshës 3 dhe 1.5 vjeçe.
Dyshohet se zjarri ishte shkaktuar nga instalimi elektrik.
