“Koha për sistem të ri taksimi”/ Rama: ‘Legalizojmë evazorët digjitalë’. Super taksë për apartamentet bosh, vilat në bregdet dhe makinat luksoze

Kryeministri Edi Rama, në një komunikim për mediat, ka njoftuar disa masa të reja si dhe ndryshime në sistemin e taksimit.

“Legalizojmë evazorët digjitalë, masa për uljen e qirave. Ka ardhur koha e një sistemi të ri taksimi. Po përgatitet një projekt i veçantë nga Ministria e Financave, po punohet edhe për disa masa të reja dhe solidaritet me ata që e ndiejnë më shumë presionin nga rritja ekonomike dhe zhvillimi i shpejtë ekonomik. Një super taksë prone për ata që blejnë dhe mbajnë apartamente bosh. Një super taksë prone për vilat në bregdet dhe një çmim i shumëfishuar për ujin e pishinave, kjo shkon në këtë paketë fiskale. Do të ketë një super taksë për makina luksi”, u shpreh ai.

Ndër masat e paralajmëruara janë një supertak­së prone për ata që blejnë dhe mbajnë apartamente bosh, një supertak­së për vilat në bregdet, si dhe një çmim shumëfish më i lartë për ujin që përdoret në pishina.

Gjithashtu, në paketën e re fiskale parashikohet edhe një supertak­së për makinat luksoze.

Masat synojnë të jenë pjesë e një pakete të re fiskale, ndërsa detajet e plota pritet të bëhen të ditura nga Ministria e Financave.

/abcnews.al/