Loading ...
Partia Socialiste i dha votën pro reformës territoriale në Komisionin e Ligjeve. Ishin 8 votat e socialistëve që e kaluan projektin në seancën parlamentare të kësaj të enjteje, e cila do t’i japë vulën përfundimtare projektit të PS-së, që ndan territorin në 46 bashki, nga 61 që janë aktualisht.
Diskutimet ishin të gjata. Demokratët kërkuan rikthimin e procesit në pikën fillestare të diskutimeve, por ngritën edhe pretendimet e tyre për shkelje të Kushtetutës.
Për këto argumente, socialistëve u erdhi në ndihmë një vendim i Gjykatës Kushtetuese i vitit 2015, kur shqyrtoi ankimin e PD-së për ndarjen aktuale të bashkive, që edhe atëherë u miratua vetëm me votat e PS-së dhe aleates së atëhershme, LSI-së.
Për PS-në, opinionet kundër të bashkive që bashkohen me të tjera nuk janë veto për mosmiratimin e ndarjes që ul në 46 bashki.
E me këtë miratim në Komisionin e Ligjeve, projektligji pritet të marrë votën finale në seancën e kësaj të enjteje, me pak ndryshime krahasuar me propozimin fillestar.
Ky projekt i PS-së ul numrin e bashkive, por rrit numrin e qyteteve të vendit, parë kjo si një zgjidhje që zonat që bashkohen të ruajnë identitetin dhe traditat e tyre.
/abcnews.al/
