Loading ...Shqiptarë të shumtë të mbledhur në Hagë janë shprehur të tronditur pas vendimit të Dhomave të Specializuara të Kosovës, të cilat dënuan me gjithsej 81 vite burg katër ish-krerët e UÇK-së.
Në prononcimet për ABC News, qytetarët e pranishëm në Hagë e kanë kundërshtuar vendimin, duke shprehur bindjen se ai synon të njollosë luftën e Ushtrisë Çlirimtare të Kosovës.
“Jam tronditur, ky është skandal. Njollosje e pastër e luftës së UÇK-së”, tha njëri prej qytetarëve.
Vendimi i Gjykatës Speciale ka shkaktuar reagime të shumta mes qytetarëve të mbledhur në Hagë, të cilët kishin udhëtuar për të ndjekur nga afër shpalljen e aktgjykimit ndaj katër ish-krerëve të UÇK-së.
