Vatër zjarri në Bregas të Finiqit, era favorizon përhapjen e flakëve

Një zjarr ka rënë në zonën e Bregasit, në Bashkinë Finiq, duke marrë përmasa të konsiderueshme për shkak të terrenit të vështirë dhe erës që fryn në zonë.

Në vendngjarje janë angazhuar forcat zjarrfikëse të Bashkisë Finiq, Sarandë dhe Delvinë, të cilat po punojnë për vënien nën kontroll të flakëve dhe për të parandaluar përhapjen e mëtejshme të zjarrit.