Debat në distancë mes Ole Gunnar Solskjaer dhe Robin Van Persie. Gjithçka nisi kur ish-sulmuesi i Manchester United kritikoi ashpër trajnerin norvegjez, pas humbjes 2-0 ndaj Arsenalit në “Emirates Stadium”.
Van Persie tha se Solskjaer nuk duhet të buzëqeshë pas një humbje dhe duhet të jetë i ashpër me lojtarët e tij. Për këtë koment të holandezit, Solskjaer tha: “Van Persie nuk më njeh mua dhe unë nuk e njoh atë.
Nuk do më tregojë ai si duhet të sillem me lojtarët e mi. Ai thjesht më ka marrë numrin 20 te Manchester United dhe nuk do të më marrë asgjë tjetër”, u shpreh tekniku i “Djajve të Kuq”.
Manchester United zbret sot në fushë, në përballjen e FA Cup kundër Wolverhampton në transfertë. Solskjaer është në presion të madh dhe kuotohet si favoriti absolut për të qenë trajneri i radhës i shkarkuar në Premier League. /abcnews.al
