Loading ...
Nëse keni blerë krem lajthie me kakao ‘nudossi hazelnuss nougat crème’ Autoriteti Kombëtar i Ushqimit iu bën thirrje ta ktheni në pikën ku e keni marrë. Shqipëria sipas AKU është njoftuar nga sistemi i njoftimit të shpejtë për ushqimin se në këtë product me origjinë nga Gjermania është gjetur salmonelë një bakter që rrezikon shëndetin e njeriut. Ai shkakton diarre, ethe dhe dhembje barku.
Kremi i lajthisë ‘nudossi hazelnuss nougat crème’ me paketim 300 gram mban datën e skadencës 18. 9. 2026 dhe 26. 8. 2026. Në vendin tonë kompania “Lengo Group” sipas Autoritetit Kombëtar të Ushqimit ka importuar për të dy lotet 27 kilogram të këtij produkti.
Nga verifikimet e kryera pas sinjalizimit nga autoritetet europiane inspektorët e AKU kanë bllokuar rreth 18.3 kg të tij, përkatësisht 15 kuti me datën e parë të skandencë dhe 46 kuti me datën e dytë.
Produkti i bllokuar do të asgjësohet. Ndërkohë Autoriteti Kombëtar i Ushqimit deklaron se 8.7 kg e këtij kremi lajthie me kakao është blerë nga konsumtarët. Subjekti ka njoftuar dyqanet që e tregtojnë. Ndërkohë që nëse e keni blerë mos e konsumoni, por kthejeni në pikën e tregtimit./abcnews.al
