Loading ...
Ministri i Drejtësisë, Toni Gogu, ka propozuar katër masa për forcimin e garancive procedurale për të miturit që bien në kontakt me organet ligjzbatuese, duke theksuar se mbrojtja e fëmijëve duhet të garantohet edhe kur ata kanë shkelur ligjin.
Propozimet parashikojnë pajisjen e të miturve me një formular të drejtash të shkruar në gjuhë të kuptueshme, garantimin e një avokati pa vonesë gjatë marrjes në pyetje, njoftimin e hershëm të punonjësit të mbrojtjes së fëmijës dhe krijimin e një sistemi të përbashkët të dhënash ndërinstitucionale për monitorimin e këtyre garancive.
Duke iu referuar episodeve të dhunës të javëve të fundit, Gogu theksoi se protesta paqësore është e drejtë që mbrohet, ndërsa dhuna sjell përgjegjësi./abcnews.al
