Loading ...
Zëvendëspresidenti amerikan JD Vance është nisur për në Pakistan për të udhëhequr delegacionin amerikan në bisedimet e paqes me Iranin.
Para nisjes, ai u tha gazetarëve: “Nëse iranianët janë të gatshëm të negociojnë me mirëbesim, ne sigurisht jemi të gatshëm të shtrijmë dorën.”
Por zëvendëspresidenti shtoi edhe një paralajmërim: “Nëse ata do të përpiqen të na mashtrojnë, atëherë do të shohin se ekipi negociator nuk është aq i gatshëm të pranojë.”
Ai tha se presidenti Donald Trump i kishte dhënë ekipit negociator amerikan “disa udhëzime shumë të qarta”.
Avioni i tij, Air Force Two, bëri një ndalesë të planifikuar për furnizim me karburant në Paris.
Në delegacionin amerikan janë edhe dhëndri i presidentit, Jared Kushner, i cili shërbeu si këshilltar gjatë mandatit të parë të Trump-it, si dhe i dërguari i posaçëm amerikan Steve Witkoff.
Të dy këta kanë qenë të përfshirë edhe në negociatat për armëpushim në emër të SHBA-ve për t’i dhënë fund luftës në Gaza dhe bisedimet për të ndalur luftimet mes Rusisë dhe Ukrainës.
