Mbi një mijë viktima në tre javë, Libani publikon shifrat shqetësuese që nga fillimi i luftës

Numri i viktimave nga sulmet e Forcave Mbrojtëse të Izraelit në Liban ka arritur në 1,072 të vdekur dhe 2,966 të plagosur që nga 2 marsi.

Të dhënat janë bërë të ditura nga Ministria e Shëndetësisë e Libanit, e cila raportoi se vetëm në 24 orët e fundit janë regjistruar 33 viktima dhe 90 të plagosur.

Sipas autoriteteve shëndetësore, situata mbetet kritike, ndërsa numri vazhdon të rritet si pasojë e sulmeve. Shifrat pasqyrojnë një bilanc të rëndë humanitar në vend, me sistemin shëndetësor që përballet me presion të shtuar.