Raketa e tretë iraniane rrëzohet në Turqi/ Ministria e Jashtme: Dënojmë sulmin e Iranit

Ministria për Europën dhe Punët e Jashtme ka reaguar në rrjetin social X , për sulmin e fundit me raketë balistike të Iranit në hapësirën ajrore të Turqisë.

Në njoftim, ministria thotë se Shqipëria dënon fuqimisht sulmin e fundit me raketë balistike të regjimit iranian kundër Turqisë.

“Republika Islamike e Iranit vijon të përshkallëzojë konfliktin, duke sulmuar jo vetëm fqinjët e saj në Lindjen e Mesme, por edhe duke vënë në shënjestër Turqinë. Edhe një herë, NATO ka dëshmuar aftësinë e saj të jashtëzakonshme dhe reagimin e shpejtë në mbrojtje të Aleatëve dhe të sigurisë së tyre. Shqipëria dënon fuqimisht sulmin e fundit me raketë balistike të regjimit iranian kundër Turqisë, një partner strategjik i Shqipërisë dhe Aleat i çmuar në NATO. Ne qëndrojmë në solidaritet të plotë me Turqinë dhe me të gjithë Aleatët në mbrojtje të territorit, sigurisë dhe unitetit të Aleancës”, thuhet në njoftimin e ministrisë.

Again.

The Islamic Republic of Iran continues to expand the conflict by attacking not only its neighbors in the Middle East, but also by targeting Türkiye.

Once again, NATO has demonstrated its remarkable ability and swift response in protecting and defending its Allies.

🇦🇱…

— Albanian MEFA 🇦🇱 (@AlbanianDiplo) March 13, 2026