Shpërndante foto dhe video me përmbajtje seksuale me të mitur/ Prokuroria e Fierit dërgon për gjykim 24-vjeçarin

Prokuroria e Fierit çon për gjykim dosjen e Ilirjan Muçës me akuzën “Pornografia” Hetimi i nisur gjatë vitit 2025 ka përfunduar duke nxjerrë në dritë një skemë të pornografisë me të mitur. Ilirjan Muça, banor i lagjes “Gafur Muço” në Lushnje, është provuar me fakte se zhvillonte pornografi me imazhet e fëmijëve të mitur.

Mes fotove dhe videove te gjetura në pajisjet smartfone në përdorim nga i pandehuri, janë gjetur edhe imazhe të fiksuara direkt nga celularët e tij. Në total prokuroria ka gjetur pas kontrolleve në banesën e tij, 155 materiale pornografike që në objektiv kishin fëmije të moshës 10-12 vjeç.

Përveç materialeve të gjetura nga kontrollet në memorien e telefonave të tij, u gjetën edhe 111 materiale të tjera të publikuara në rrjete sociale nga llogaritë në përdorim të 24-vjeçarit. Ky i fundit rrezikon dy vjet burg sipas Kodit Penal aktual në Shqipëri.