Mbrëmë, u luajt derbi i Londrës mes Tottenham dhe Chelsea, një nga derbit më të luftuar në Angli. Blutë e Londrës, të drejtuar nga Frank Lampard, bënë një ndeshje të madhe, duke triumfuar me rezultatin 0-2. Lampard mposhti ish-trajnerin e tij, Jose Mourinho, i cili mposhtet nga një tjetër ish-skuadër e tij në Premier League.
Kjo sfidë, kishte shumë episode: Probleme me racizmin, gola të shkëlqyer, luftë e ashpër, sherr dhe karton i kuq për Son. Megjithatë, një nga episodet më të bukura, ishte padiskutim një kontroll i shkëlqyer i topit nga ana e brazilianit Willian.
Mbrojtja e Chelsea largon një top me forcë përpara dhe Willian nuk kishte asnjë mundësi për ta kontrolluar. Megjithatë, ylli brazilian tregon të gjitha aftësitë e tij, duke e stopuar topin në mënyrë të shkëlqyer dhe duke dhuruar një pasim perfekt për Batshuyai. Numri 10 i Chelsea u shpall dhe njeriu i takimit, ku përveç spektaklit me topin, shënoi dhe dy golat vendimtarë të sfidës./abcnews.al
Willian is too smooth ?pic.twitter.com/v774sS2jWS
— Goal (@goal) December 23, 2019
