Një aksident i rëndë ka ndodhur në rrethrrotullimin e Kolonjës në autostradën Lushnje- Fier.
Burime për abcnews.al bëjnë me dije se nga aksidenti një person ka humbur jetën dhe një tjetër ka mbetur i plagosur rëndë.
Policia njofton se një makinë tip Land Rover ka dalë nga rruga në aksin Fier-Lushnje, ku për pasojë ka mbetur viktimë 28-vjeçari M. R., që ishte pasagjer në mjet.
Lushnje/ Informacion paraprak:
Sot rreth orës 03:25, në aksin rrugor Fier – Lushnje, në fshatin Kolonjë, shtetasi Z.H, 31 vjeç, banues në Berat, duke drejtuar automjetin tip Land Rover ka dalë nga rruga.
Si pasojë e daljes nga rruga ka ndërruar jetë pasagjeri, shtetasi M.R, 28 vjeç, banues në Berat dhe është dëmtuar drejtuesi i mjetit i cili ndodhet në Spitalin e Traumës Tiranë nën kujdesin e mjekëve.
Grupi hetimor po punon për zbardhjen e plotë të ngjarjes.
/abcnews.al
