Loading ...Eksperti i marrëdhënieve ndërkombëtare Endri Tafani, komentoi në studion e ABC News, zhvillimin e fundit nga kampi i luftës në Ukrainë.
Duke folur mbi mungesën e Sekretarit Amerikan të Shtetit në mbledhjen e ministrave të jashtëm të NATO-s, Tafani tha se shqetësuese është fakti se gjithë sa po ndodh, po ndodh prapa kurrizit të Europës.
“Rubio e kish bërë të ditur se nuk do merrte pjesë në takim kjo hyn në atë që ka të bëjë me politikën e jashtme amerikane. Pra, e ka rezervuar veten të shprehë ndonjë mendim me tratativat që po ndodhin veçmas. Shqetësuese është fakti se gjithë sa po ndodh po ndodh prapa kurrizit të europës. Amerika po e lë jashtë europën në këto tratativa dhe jo vetëm në këtë drejtim por edhe në një rast sulmi nga ana e rusisë në evropë, nuk do të ketë ndërhyrje nga SHBA. Për administratën Trump NATO është e vdekur. Ky lloj qëndrimi nuk është i tipit që mbështetet nga gjithë spektri në SHBA duke më shumë si qëndrim personal i trump se sa i republikanëve. Dëmtohet kredibiliteti i amerikës për një kohë të gjatë”, u shpreh Tafani, ndërsa komentoi edhe dështimin e planit të paqes një ditë më parë.
“Rusia do vdekjen e Ukrainës, Ukraina do të jetojë, nuk do ketë një zgjidhje. Zgjidhja do jetë në fushën e betejës, dhe Ukraina e ka bërë të qartë. Kurse kërkesat ruse e kthehjnë Ukrainën në protektorat pastaj duke e asimiluar, hapi tjetër do ishte sajimi i ndonjë incidenti dhe më pas marrja e plotë e Ukrainës. Ukraina e ka të pamundur të pranojë humbjen e sovranitetit të saj.
Sa kohë që janë pozicione të kundërta është e pamundur të gjendet një zgjidhje paqeje, gjithçka do vendoset në fushën e betejës. Ukraina ka qenë gjithmonë e gatshme për një armëpushim të menjëhershëm dhe më pas të negociohet për pjesën tjetër. Por Rusia është gjithmonë me kërkesa maksimaliste, kërkesa e saj është zhdukja e Ukrainës, një kërkesë që nuk mund të pranohet nga Ukraina, që lufton prej 4 vitesh. Është një luftë që ka kushtuar shumë, ka krijuar urrejtje mes dy popujve dhe nuk mund të pranojnë një dorëzim për sa kohë kanë armët në dorë. Edhe sikur të dojë Zelensky, populli nuk do pranojë e dinë shumë mirë se do jetë fundi i Ukrainës.” u shpreh ai.
“Trump është qartazi në favor të Rusisë, kjo është problematike, e para për Europën, nga ana tjetër do të dëmtojë Amerikën në planin afatgjatë. SHBA i ka dhënë garanci Ukrainës, dhe të heqësh dorë tani, tregon se je i pabesueshëm. Ajo që ka qenë Amerika dikur, ka qenë pjesa e imazhit si vend që luftonte për vlerat e demokracisë. Tashmë, tregon se po rrëshket drejt një autoritarizmi dhe mungese vlerash. Rrugët diplomatike për zgjidhjen e konfliktit do vijojnë, lufta do marrë fund me një marrëveshje, pyetja është cfarë marrëveshje do jetë”, vijoi më tej Tafani.
