Në kërkim ndërkombëtar nga Norvegjia për vjedhje e plagosje/ Morinë, arrestohet 35-vjeçari nga Kosova

Një 35-vjeçar nga Kosova është arrestuar në pikën kufitare Morinë, pasi ishte shpallur në kërkim ndërkombëtar nga autoritetet norvegjeze.

Nga verifikimet e kryera dhe nga informacioni i shkëmbyer me Interpol Tiranën rezultoi se ky shtetas ishte shpallur në kërkim ndërkombëtar nga Interpol Oslo, pasi akuzohet nga Gjykata Lokale Sor Rogaland, për veprat penale “Vjedhje me dhunë” dhe “Plagosje”.

Interpol Tirana dhe Interpol Oslo do të kryejnë procedurat për ekstradimin e 35-vjeçarit, në Norvegji./abcnews.al