Loading ...
Të paktën tre persona kanë humbur jetën dhe 13 të tjerë kanë mbetur të plagosur rende si pasojë e një shpërthimi të fuqishëm që ndodhi paraditen e kësaj të premteje në një pallat 9 katësh në Bukuresht, kryeqytetin e Rumanisë.
Mediat rumune kanë raportuar se disa persona kanë mbetur ende nën rrënoja ndërsa të paktën dy kate të ndërtesës janë shembur pjesërisht. Shpërthimi ka qene aq i forte sa ka shpërthyer edhe dritaret e një shkolle në afërsi të zonës. Në mesin e 13 personave të plagosur rëndë, gjendja më kritike paraqitet për dy adoleshentë 17-vjeçar.
Shkaqet e shpërthimit të rëndë janë ende nën hetim, ndërsa mediat rumune raportojnë se mund të bëhet fjalë për shpërthimin e një tubacioni gazi që shërbente për ngrohjen e ndërtesës. Zona ku ndodhi shpërthimi është rrethuar nga autoritetet ndërsa fëmijët e shkollës aty pranë janë evakuuar menjëherë.
Ekipet Xheniere të cilët po marrin masa për të shmangur një tjetër shpërthim kane ngritur në ajër drone pa pilot për të monitoruar katin e 6 dhe të 7 të ndërtesës, aty ku si pasojë e shpërthimit të forta janë shkatërruar tërësisht muret rrethuese të pallatit.
“O explozie puternică a avut loc vineri dimineață pe Calea Rahovei din București, în zona Liceului „Dimitrie Bolintineanu”. Autoritățile au activat planul roșu de intervenție. Deflagrația a fost suficient de puternică încât a zguduit blocurile din apropiere, potrivit martorilor.… pic.twitter.com/shGLToBlWV
— Emanuel Ciocu (@ECiocu) October 17, 2025
