Loading ...
Tashmë, autokritika është e plotë.
Reali është pajtuar me publikun e tij tepër kërkues, dhe fitorja 3-1 ndaj Villareal-it më në fund mund të cilësohet e mjaftueshme.
Rreth 80 000 tifozë në “Santiago Bernabeu” priten shumë nga yjet e tyre, pas dorëzimit me shifrat 5-2 në derbin ndaj Atletikos, ndërsa suksesi në Champions ndaj Kairatit u quajt diçka e paktë.
Përkrahësit “merenges” e morën përgjigjen që deshën, dhe mbi të gjithë prej yllit brazilian, Vinisius, që këtë sezon dukej sikur e kishte humbur toruan. Kandidati për Topin e Artë në 2024 më në fund e gjeti veten, shënoi dy gola, dhe ishte “lokomotiva” e ekipit.
Në një festival të të bardhëve, Vini shënoi në minutat 47 e 69 me penallti, të cilën e fitoi vetë.
Nëntë minuta para fundit realizoi edhe sulmuesi kryesor, Kilian Mbape, që vazhdon të luftojë për Këpucën e Artë të La Ligës dhe të Europës, ndërsa gjeorgjani Mikautaxe realizoi një gol shprese të rreme për Vijarrealin në 73’, për shifrat e përkohshme 2-1.
E përditshmja madrilene “Marka” ka në kopertinë foton e Vinisiusit, me titull “Vini është kthyer”, dhe me komentin se “ai shënoi një dygolësh dhe I hapi rrugën fitores së të bardhëve!” “Për sukseset tona”, titullon gazeta tjetër e kryeqytetit “A”, e cila gjithashtu ka në kopertinë foton e Vinisiusit, që sipas saj firmosi një ndeshje të shkëlqyer dhe pajtoi ekipin me publikun në “Bernabeu”! Reali bëri shumë më tepër me 26 gjuajtje ndaj vetëm 9 të miqve, dhe me 70 për qind mbajtje topi.
Skuadra e trajnerit Shabi Alonso ka 21 pikë, dhe është plotësisht në garë me Barcelonën për titullin kampion./abcnews.al
