Loading ...
Presidenti serb Aleksandër Vuçiç ka mbërritur këtë të martë në Pekin, duke filluar një vizitë disaditore në Republikën Popullore të Kinës, me ftesë të Presidentit kinez Xi Jinping, për të marrë pjesë në përkujtimin e 80-vjetorit të Luftës së Dytë Botërore.
Gjatë vizitës së tij në Pekin, Presidenti Vuçiç do të takohet me Presidentin Xi Jinping, Presidentin e Federatës Ruse Vladimir Putin, si dhe me zyrtarë të tjerë të lartë të Republikës Popullore të Kinës dhe përfaqësues të kompanive të mëdha, njoftoi Zyra e Marrëdhënieve me Median e Presidentit të Republikës.
Presidenti Vuçiç do të marrë pjesë në paradën e madhe ushtarake me rastin e Ditës së Fitores më 3 shtator, se bashku me udhëheqësit e 26 vendeve te tjera.
Marrëdhëniet Kine-Serbi kanë marrë një tjetër dinamik që nga vizita në Pekin e Vuçiç në tetor 2023, kur u nënshkruan 18 marrëveshje, përfshirë Marrëveshjen e Tregtisë së Lirë Serbi-Kinë.
Xi Jinping vizitoi Serbinë në maj 2024, si dhe në vitin 2016, e cila ishte vizita e parë e një presidenti kinez në Serbi në 32 vjet, dhe Deklarata për Partneritet Strategjik u nënshkrua në atë kohë.
Në maj të vitit 2024, gjatë vizitës së Xi në Serbi, të dy presidentët nënshkruan një Deklaratë të Përbashkët mbi Thellimin dhe Përmirësimin e Partneritetit Gjithëpërfshirës Strategjik dhe Ndërtimin e një Komuniteti Serbi-Kinë me një të Ardhme të Përbashkët, si dhe u shkëmbyen 28 dokumente bashkëpunimi.
Presidenti Vuçiç theksoi më pas se Serbia është krenare për miqësinë e saj të hekurt me Kinën dhe se askush nuk do të jetë në gjendje ta prishë atë miqësi, dhe se të dy vendet do të vazhdojnë të punojnë së bashku për të mirën e popujve të tyre.
Tregtia e jashtme midis Serbisë dhe Kinës u rrit në 4.33 miliardë dollarë amerikanë në gjashtë muajt e parë të këtij viti, ndërsa në të njëjtën periudhë të vitit të kaluar arriti në 3.62 miliardë, tha Dhoma e Tregtisë e Serbisë.
Vitin e kaluar, Kina ishte investitori më i madh në Serbi me më shumë se një miliard euro investime vjetore.
Serbia edhe njëherë po luan fort ne politiken e saj te jashtme, nga njëra anë me procesin e saj të anëtarësimit ne BE dhe nga ana tjetër duke forcuar marrëdhëniet me Kinën dhe Rusinë.
