Loading ...Më 27 korrik ka hyrë në fuqi vendimi i Gjykatës Kushtetuese që ua ndalon deputetëve çfarëdo veprimi sa i përket konstituimin të Kuvendit të Kosovës.
Ishin plot 54 tentime për ta bërë një gjë të tillë, por nuk u arrit asnjë marrëveshje sa i përket votimit të kryetarit të Kuvendit.
Në një intervistë në emisionin, Lavdim Hamidi “Balkan Update” në ABC News, foli për ngërçin politik në Kosovë.
Ai u shpreh se ndonëse tashmë janë bërë gjashtë muaj, ende nuk është arritur të konstituohet Kuvendi. Ndërsa nënvizoi se tashmë prej 8 gushtit mbetet për t’u parë se çfarë do të bëjë Kushtetuta
“Po bëhen gjashtë muaj dhe ne ende nuk kemi Kuvend të konstituuar. Pas 8 gushtit duhet të presim se çfarë do të bëjë Kushtetuta”, u shpreh ai.
Gjithashtu ai u shpreh se duhet të bëhen zgjedhje, duke nënvizuar se Kurti nuk i ka votat për të formuar qeveri.
“Nuk mund të shkojmë në zgjedhje të reja pa u konstituuar Kuvendi. Nëse ka një dakordësi mes tyre do të konstituohet kuvende dhe nëse ka një dakordësi mund t’u hapet rruga edhe të bëhen zgjedhje. Me zgjedhjet e reja mund të dëmtohet VV. Por duhet thënë që vazhdimisht në Kosovë ka pasur koalicione por tani VV nuk ka shprehur gatishmëri për të bashkëpunuar me opozitën dhe e vetmja zgjidhje mbeten zgjedhjet. Pa një dakordësi me opozitën nuk mund të ketë zgjedhje të reja, Opozita është më e interesuar që në fillim të vitit të ardhshme të kemi zgjedhje të reja”, tha ai.
/abcnews.al/
