Tragjedia e familjes Lala në Kënetë të Durrësit ka prekur të madh e të vogël në Shqipëri. Terëmeti që goditi Shqipërinë ka shkaktuar dëme të mëdha sidomos në Durrës, Tiranë e Krujë dhe një numër të lartë viktimash .
Një dhimbje që nuk njeh kufi, ku të afërm familjarë, por edhe shumë të panjohur përcjellin në banesën e fundit anëtarët e familjes Lala.
Një tragjedi që i kalon kufijtë për të afërmit e tyre por edhe për çdo shqiptar brenda dhe jashtë vendit që këto ditë jetoi çdo minutë me ankthin e tyre. 9 anëtarë të familjes Lala do të dalin sot para syve të të afërmve e qytetarëve të Durrësit, për të mos u kthyer më kurrë.
Ditën e sotme po zhvillohen homazhe për viktimat e familjes Lala, në Durrës nga Pallati i Kulturës.
Në ceremoni ndodhen kryeministri Rama dhe Presidenti Meta.
Puna për shpëtimin e familjes Lala nisi që në orët e para të mëngjesit duke nxjerrë prej aty vetëm Ramë Lalën.
Ndërsa punohej, nga brenda vinin zëra duke lënë të kuptohej se kishte ende të gjallë, por ndërtesa u shemb sërish duke mbytur edhe zërat.
Pavarësisht kësaj, ekipet e shpëtimit punuan natë dhe ditë për të nxjerrë pjestarët e familjes Lala.
Fatkeqësisht, pas shembjes së dytë asnjëri prej tyre nuk u nxorr i gjallë.
Ata ishin 13 persona në familje dhe tani gjallë kanë mbetur dy djemtë e Sadete Lalës, bashkëshortja e njërit prej tyre si edhe Ramë Lala.
Familja Lala, me orgjinë nga Kukësi dhe e vendosur prej rreth një viti në një vilë 4- katëshe në zonën e ish-Kënetës, pësoi tragjedinë më të madhe nga tërmeti që rrënoi Durrësin mëngjesin e së martës.
Viktimat e familjes Lala
1. Marjeta Lala 31 vjeçe
2. Emilio Lala 6 vjeç
2. Dionis Lala pa mbushur 2 vjeç
3. Dionisa lala pa mbushur 2 vjeçe
4. Amelia Lala 10 vjeçe
5. Griselda Lala 22 vjeç
6. Sadete Lala 50 vjeçe
7. Selvie Lala 74 vjeçe
8. Arjela Lala 5 vjeçe
9. Ilir Lala 52 vjeç. /abncews.al
