Ishte padyshim një fitore e madhe dhe kjo u pa që nga rezultati 3-1.
“Zikaltërit” e Inter kanë arritur një tjetër sukses në elitën e futbollit italian, teksa mbrëmjen e kësaj të premteje kanë triumfuar në “Guiseppe Meazza”, me tre gola ndaj skuadrës së Parma, në sfidën e vlefshme për javën e 15-të të Serie A.
“Ylli” që shkëlqeu më shumë ishte armeni Henrikh Mkhitaryan, me dy asiste fillimisht për “pistonin” e krahut, Federico Dimaro e më pas për “fantazistin” Nicolo Barella në minutat 40’ e 53’, ndërsa Marcus Thuram “hipotekoi” fitoren me golin e tij në minutën e 66’-të, për t’i lënë më pas vendin autogolit të Darma, që vulosi shifrat 3-1.
Falë këtij rezultati, “Zikaltërit” ngjiten në kuotën e 31 pikëve dhe momentalisht pozicionohen në vendin e 3-të po aq sa Atalanta dhe 1 më pak se Napoli, ndërsa Parma mbetet në vendin e 12-të me 15 pikë. /i.m /abcnews.al
