Presidenti i Kosovës, Hashim Thaçi, e shpalli ditën e nesërme, 27 nëntor, si ditë zie në Kosovë, për shkak të viktimave prej tërmetit në Shqipëri.
Kjo ditë zie ka ndikuar edhe në futbollin vendas, pasi sfidat e Kupës së Kosovës, që ishin planifikuar për t’u luajtur ditën e mërkurë, janë shtyrë. Kjo gjë është konfirmuar nga uebsajti zyrtar i FFK-së.
Njoftimi i FFK-së:
26 nëntor, 2019 – Federata e Futbollit e Kosovës njofton klubet dhe opinionin se ndeshjet e rrethit të dytë të Digitalb Kupës së Kosovës në futboll, të parapara të zhvillohen të mërkurën, janë shtyrë. Ky vendim është marrë nga Komisioni i Garave, duke pasur parasysh se presidenti i vendit, Hashim Thaçi, ditën e mërkurë e ka shpallur ditë të zisë, në shenjë respekti për viktimat e tërmetit të fuqishëm që goditi Shqipërinë në orët e hershme të mëngjesit të sotëm. Ndeshjet e rrethit të dytë do të zhvillohen, të enjten, më 28 nëntor./abcnews.al
I have declared tomorrow, Wednesday 27 November, a Day of Mourning in #Kosovo, to honor the victims of the worst #earthquake to hit Albania in decades. Sincerest condolences to families of victims, Government and President of Albania. God bless Albanians in this hour of need. pic.twitter.com/c69gWMlYyJ
— Hashim Thaçi (@HashimThaciRKS) November 26, 2019
