ffk

Mustafa.png
Vladimir Prenga15:26 | 27/03/2020

I vetmi futbollist shqiptar pozitiv me COVID-19 ia ka dalë ta fitojë betejën dhe FFK e ka njoftuar diçka të tillë. Sulmuesi i Kosovës U21 ka bërë edhe testin e dytë për Coronavirusin dhe ka dalë negativ.

“Futbollisti i Hannoverit dhe i Kombëtares së Kosovës U21, Valdrin Mustafa është shëruar nga Coronavirusi Covid-19. Ka qenë vet futbollisti i cili gjatë ditës së sotme ia ka konfirmuar presidentit të FFK-së, Agim Ademi, se testi i dytë për Coronavirus i ka dalë negativ.

Ai me këtë rast në emrin e tij dhe të familjes e ka falënderuar presidentin Ademi dhe FFK-në për interesimin e treguar dhe është shprehur mirënjohës, duke premtuar se do të rikthehet fuqishëm në fushën e gjelbër dhe çdo herë do të jetë i gatshëm për të dhënë maksimumin për Kosovën.

Federata e Futbollit e Kosovës i dëshiron Valdrinit aktivizim sa më të shpejtë në futboll dhe suksese në klubin e tij Hannover dhe në Kombëtaren U21”, shkruhet në njoftimin e FFK. / abcnews.al

View this post on Instagram

Futbollisti i Hannoverit dhe i Kombëtares së Kosovës U21, Valdrin Mustafa është shëruar nga Coronavirusi Covid-19. Ka qenë vet futbollisti i cili gjatë ditës së sotme ia ka konfirmuar presidentit të FFK-së, Agim Ademi, se testi i dytë për Coronavirus i ka dalë negativ. Ai me këtë rast në emrin e tij dhe të familjes e ka falënderuar presidentin Ademi dhe FFK-në për interesimin e treguar dhe është shprehur mirënjohës, duke premtuar se do të rikthehet fuqishëm në fushën e gjelbër dhe çdo herë do të jetë i gatshëm për të dhënë maksimumin për Kosovën. Federata e Futbollit e Kosovës i dëshiron Valdrinit aktivizim sa më të shpejtë në futboll dhe suksese në klubin e tij Hannover dhe në Kombëtaren U21. 👊👏💪⚽️🇽🇰

A post shared by Federata e Futbollit e Kosovës (@ffk_kos) on

challandes.png
Vladimir Prenga12:13 | 25/03/2020

Bernard Challandes, trajneri i Kosovës, përmes një videoje të publikuar nga FFK, ka shumë për t’u thënë shqiptarëve matanë kufirit. Zvicerani u bën thirrje të qëndrojnë në shtëpi dhe u premton se së bashku do të arrijnë objektivat e vendosura dhe realizimin e ëndrrës së madhe për ta çuar Kosovën ne Europian.

“Përshëndetje popull i Kosovës! Shpresoj që të jeni mirë dhe me shëndet të plotë në këto kohë të vështira, jo vetëm për Kosovë, por për tërë Europën, përfshirë edhe Zvicrën që po përballet me Coronavirus.

Prandaj në këto kohë të vështira, dëshiroj të ju bëj thirrje të qëndroni në shtëpi dhe të qetë për sigurinë shëndetësore për ju dhe familjet tuaja. Ne do ta kalojmë këtë së bashku, por derisa të vijë ajo ditë është më e rëndësishme të zbatoni masat e ndërmarra nga institucionet tuaja shtetërore, t’i respektoni ato masa dhe kësisoj ta luftojmë së bashku këtë virus, që do ta mposhtim të gjithë së bashku si një ekip, por me kontributin e secilit prej jush.

Ne do t;ia dalim dhe pastaj do të kthehemi për të arritur qëllimet dhe ëndrrat tona, së bashku, të udhëhequr nga vlerat e ekipit tonë përfaqësues, që janë disiplina dhe solidarizimi. Kështu ne do të fitojmë. Gjithë të mirat!”, përfundon Challandes. /abcnews.al

valdrinmustafa.jpg
Vladimir Prenga13:17 | 17/03/2020

I pari futbollist shqiptare pozitiv me COVID-19. FFK ka njoftuar se sulmuesi Valdrin Mustafa, i cili në të shkuarën ka qenë pjesë e kombëtareve të moshave të Shqipërisë, është prekur nga Coronavirusi. Lojtari i Hannover 96 familjarisht ndodhet familjarisht në karantinë dhe gjendja e tij thuhet se është e mirë.

“Federata e Futbollit e Kosovës njofton se futbollisti i Kombëtares U21 të Kosovës, Valdrin Mustafa ka rezultuar pozitiv me koronavirus Covid-19. Gjendja e tij është e mirë por është në karantinë me gjithë familjen e tij në Sarbruken.

Valdrin Mustafa tani është futbollisti i ekipit të parë të Hanoverit. Presidenti Agim Ademi ka kontaktuar me Valdrinin dhe e ka inkurajuar atë që të qëndrojë i qetë në shtëpi dhe ta kalojë edhe këtë sfidë me durim e kurajë dhe pa panik, duke i uruar shërim sa më të shpejtë”, njofton FFK. /abcnews.al

drita-gjilani.jpg
Vladimir Prenga21:39 | 13/03/2020

Kosova ndjek shembullin e Shqipërisë dhe të pothuajse të gjithave shteteve të Europës. IPKO Superliga e Kosovës është pezulluar pa afat dhe Federata e Futbollit e Kosovës ka dalë me njoftim. Kjo gjë ndodhi pasi ditën e sotme u konfirmuan edhe rastet e para me Coronavirus.

Fillimisht ishte menduar që ndeshjet në kampionatin dardan të luheshin pa tifozë, por vendimi ka ndryshuar dhe tashmë klubet e IPKO Superliga do të duhet të presin një vendim të dytë për vazhdimin e kampionatit.

“Federata e Futbollit e Kosovës njofton opinionin dhe klubet anëtare të saj se, në bazë të vendimit të sotëm të Qeverisë së Kosovës, pezullohet kampionati i futbollit në të gjitha kategoritë në afat të pacaktuar deri në një vendim të ri.

Ky vendim vjen pas konfirmimit të dy rasteve me koronavirus në vendin tonë dhe si masë për parandalimin e përhapjes së këtij virusi. FFK fton futbollistët, punëtorët sportivë dhe qytetarët në përgjithësi që të qëndrojnë të qetë dhe ta luftojmë së bashku këtë pandemi pa panik por me kujdes të shtuar”, shkruhet në njoftimin e FFK. /abcnews.al

Ademi-1.jpg
Veronik Istrefaj19:27 | 26/02/2020

Presidenti i Federatës së Futbollit në Kosovë, Agim Ademi, është dënuar me nëntë muaj burg nga Gjykata e Apelit, me veprën penale detyrim në tentativë. Burg edhe për Muharrem Rama, i cili do të vuajë dënimin 1 vjeçar.

“A.A. dhe M.R. janë shpallur fajtor nga ana e gjykatës së shkallës së parë, për veprën penale të detyrimit në tentativë, nga neni 267 paragrafi 2, lidhur më paragrafin 1, lidhur me nenin 20 dhe 23 të Kodit Penal të Kosovës(KPK), dhe janë gjykuar, i pari më dënim më burgim në kohëzgjatje prej 9(nëntë) muajve, ndërsa i dyti më dënim më burgim në kohëzgjatje prej 1(një) viti.

Gjykata e Apelit gjeti se aktgjykimi i ankimuar, nuk është i përfshirë në shkelje esenciale të dispozitave të procedurës penale, nuk është shkelur ligji penal dhe se gjendja faktike, është vërtetuar në mënyrë të drejtë dhe të plotë. Apelit vlerësoj se dënimi i shqiptuar është në proporcion më shkallën e rrezikshmërisë shoqërore të veprës penale, shkallën e përgjegjësisë se akuzuarve dhe në funksion të qëllimit të përcaktuar me ligj”, thuhej në njoftimin e Apelit.

Në vitin 2012, kreu i Federatës Kosovare, Agim Ademi, së bashku me Muharrem Ramën, kanë kërcënuar Dritan Kabollin, duke tentuar të përfitojnë 30 mijë euro dhe një makinë BMË “X5”. Por nuk është vetëm kjo, pasi siç raporton Insporti, Ademin dhe Ramën e pret dhe një gjyq tjetër, pasi në shtator të vitit 2019, kanë sulmuar ish-doktorin e FFK-së, Mehmet Mexhunin, duke e goditur nga mbrapa. Futbolli në Kosovë është në kaos total./abcnews.al

Ademi-Duka.jpg
Vladimir Prenga10:58 | 26/12/2019

Serbët, sa herë dëgjojnë të flitet, shkruhet apo mendohet për një bashkim të Shqipërisë më Kosovën, nuk e përjetojnë mirë. Kjo ndodh edhe në botën mediatike atje, që sigurisht nuk mund ta dalë jashtë opinionit që politika dhe qarqet nacionaliste kanë atje.

Së fundmi është konsideruar skandal fakti që Kosova dhe Shqipëria po mendojnë të bëjnë një Kupë të përbashkët, të quajtur “Nënë Tereza”. Projekti është bërë dhe është dorëzuar në UEFA. Synimi është që fituesi të shkojë në kompeticionet Europiane.

Lexo edhe: E mrekullueshme: Bashkimi nis nga sporti, Shqipëria dhe Kosova me Kupë të përbashkët

Kurir, me të mësuar idenë që FFKF dhe FSHF kanë, ka publikuar lajmin dhe sigurisht fjala SKANDAL në titull është e pashmangshme prej tyre. Në artikull është publikuar edhe deklarata e presidentit të FKF, Agim Ademi, i cili edhe ka zbuluar një nga projektet që do të përqafohej përzemërsisht nga të gjithë shqiptarët. /abcnews.al

Ademi-Duka.jpg
Igli Nikolli09:15 | 25/12/2019

Të gjithë tifozët shqiptarë kanë një ëndërr të përbashkët: krijimin e një Lige Kombëtare. Diçka e tillë po gatuhet dhe dy presidentët e Federatave po planifikojnë të bëjnë një Kupë të përbashkët, fituesi i së cilës do të luante në Ligën e Evropës. Kreu i FSHF-së, Armand Duka dhe ai i FFK, Agim Ademi kanë menduar ta quajnë me emrin “Nënë Tereza” këtë eveniment.

Kjo kupë do të jetë masive dhe do të zhvillohet gjatë tërë vitit. Mund të luhen ndeshjet në mesjavë, të mërkurën ose të enjten, kur nuk ka ndeshje kampionati. Projekti do të jetë i përbashkët edhe me qeveritë tona. Do të krijohet një fond i posaçëm nga të dyja qeveritë dhe nga federatat. Krahas shpërblimit që do ta marrë fituesi nga federatat, do ta ketë edhe një shpërblim shtesë nga qeveritë. Kjo kupë do të njihet si kupa ‘Nëna Tereza’” tregon Ademi për gazetën Zëri.

Presidenti i Federatës Dardane zbulon se është bërë kërkesa në UEFA për një projekt të tillë. “Ne e kemi dorëzuar në UEFA projektin dhe ende nuk kemi marrë përgjigje. Vitin tjetër do të mbajmë mbledhje për këtë çështje dhe do ta diskutojmë. Kjo çështje i takon më shumë presidentit Armand Duka, që është anëtar i Komitetit Ekzekutiv të UEFA. Në kuadër të kësaj i takon atij me kompetencë ta përcjellë këtë çështje. Duka është edhe përgjegjës i federatave të regjioneve si Kosovës, Maqedonisë së Veriut, Malit të Zi dhe Serbisë”, thekson Ademi, i cili ka një përgjigje edhe për kohën se kur mund të nisë realizimi i këtij projekti special.

Presim që ky projekt të zbatohet dhe të nisë që të përgatitet nga viti i ardhshëm. Ne jemi duke pritur të formohen edhe institucionet tona që të bëhet një marrëveshje në mes dy qeverive. Ky është projekt më voluminoz dhe duhet punë që të bëhet edhe jashtë kompeticioneve. Neve si FFK nuk na mungon vullneti që ta shtyjmë përpara”.

Kualifikimi në Evropë? Kemi kërkuar nga UEFA që fituesi i kësaj kupe të jetë i pranuar në garat e fituesve të kupave, që janë jashtë kupës së shtetit. Spanja, bie fjala, e ka Kupën e Mbretit dhe ky eveniment njihet nga UEFA. Fituesi i Kupës së Mbretit shkon në UEFA dhe ne e synojmë një gjë të tillë.

Krahas kampionit të Kosovës, vendit të dytë dhe fituesit të kupës së shtetit, nga Kosova ose nga Shqipëria, do të jetë një skuadër tjetër skuadër pjesëmarrëse në Evropë që shkon nga kjo kupë. E dimë se është barrë edhe për klubet, edhe për federatat, por është në interes të bëhet për shkak të aspektit ekonomik të klubeve dhe daljes në Evropë“, përfundon Agim Ademi. /abcnews.al

zeqiri.jpg
Vladimir Prenga12:54 | 24/12/2019

Një sulmues lë Zvicrën për Kosovën. FFK e zyrtarizon në një mënyrë mjaft interesante.”A do të jetë kjo surpriza e vitit 2019 apo do të jetë bomba e vitit 2020?”, shkruhet në postimin e bërë në faqen zyrtare të FFK në “Facebook”.

Në foto shfaqet sulmuesi Andi Zeqiri, i cili ka luajtur me Zvicrën U21. Tashmë ai e ka bërë zgjedhje e tij dhe do të jetë Kosova përfaqësuesja me të cilën do të luajë në të ardhmen. Trajneri Bernard Challandes sigurisht që e ka parë.

Zeqiri po bën një sezon shumë të mirë me Laussane Sport, ndërkohë që është aktivizuar me të gjitha grupmoshat e Zvicrës, duke shënuar tetë gola. Në Challenge League këtë vit ai ka shënuar 12 gola, 4 më pak se Turkes, shoku i tij i skuadrës.

Në të shkuarën ai ka qenë edhe pjesë e moshave të Juventusit. Bardhezinjtë e panë nga afër sulmuesin, por në fund vendosën të mos e blejnë. /abcnews.al

Kosova-2.jpg
Vladimir Prenga15:30 | 09/12/2019

Kosova ka gjetur një kundërshtar për miqësore, çka është konfirmuar përmes një komunikate të FFK në uebin zyrtar të qeverisë së futbollit dardan. Skuadra e drejtuar nga Bernard Challandes do të ndeshet me Suedinë dhe kjo sfidë luhet më 12 janar në Katar.

“Kombëtarja e Kosovës në konkurrencën e meshkujve më 12 janar do të zhvillojë ndeshje miqësore me Suedinë. Takimi zhvillohet në Doha të Katarit. Detajet në lidhje me këtë ndeshje do të bëhen të ditura nesër (e martë, 10.12.2019) në një konferencë për media që do të mbahet në selinë e Federatës së Futbollit të Kosovës, në orën 11:00”, thuhet në njoftimin e bërë nga FFK.

Kosova fokusin kryesor e ka te ndeshja me Maqedoninë e Veriut, që luhet në mars. Dardanët duan të sigurojnë pjesëmarrjen në EURO 2020 dhe do tentojnë t’i kalojnë me sukses fqinjët, për të luajtur më pas finalen e madhe me fituesin e çiftit Gjeorgji-Bjellorusi. /abcnews.al

Kosova-Zhegrova.jpg
Igli Nikolli13:22 | 09/12/2019

Një debat në lidhje me zgjedhjet në Federatën e Futbollit të Kosovës (FFK) është krijuar këto ditë. Arianit Ahmeti u shkarkua nga detyra e zv sekretarit të FFK-së dhe shpërtheu në akuza kundrejt Agim Ademit, kreut të futbollit dardan, duke e akuzuar këtë të fundit se është shpallur fitues nëpërmjet zgjedhjeve të parregullta.

FFK ka reaguar me anë të një komunikate, aty ku tregon Procesverbalin nga mbledhja e Kuvendit të Jashtëzakonshëm Zgjedhor, në të cilën ku konfirmohet mandati katërvjeçar i presidentit Agim Ademi.

Letra që tregon se UEFA njeh zgjedhjen e Ademit si president i FFK-së

Por jo vetëm kaq. FFK bën publike edhe interpretimin ligjor të Ministrisë së Administratës Publike (organ i vetëm për të interpretuar statusin e OJQ-ve) dhe shkresën zyrtare nga UEFA, me të cilën konfirmohet se z. Ademi është i zgjedhur në mënyrë të ligjshme, duke i respektuar të gjitha procedurat demokratike për mandatin 4-vjeçar në krye të FFK-së. /abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono