Pjesa më e madhe e buxhetit të bashkisë së Durrësit shkon për infrastrukturën, por në shumë lagje të qytetit bregdetar nuk është parashikuar të investohet as këtë vit. Banorët shprehen të pakënaqur me neglizhencën e treguar prej vitesh.
Ndodhemi në rrugën “Gjelberimi” të Durrësit.
Siç shihet nga pamjet këtu nuk është investuar kurrë.
Banorët ankohet për vështirësitë që hasin në përditshmërinë e tyre.
Në të njëjtën gjendje janë edhe shumë të tjera.
Edhe këtë vit Bashkia nuk ka parashikuar të investoje tek këto lagje megjithëse pjesa më e madhe e buxhetit shkon për infrastrukturën dhe shërbimet publike.
Investimet kryesore mbeten përfundimi i projektit Veliera, rikualifikimi i hapësirave tek Muzeu i Dëshmorëve dhe restaurimi i godinave arsimore.
Për këto dhe të tjera u akorduan plot 48 miliardë lekë , 28% të vlerës së përgjithshme të buxhetit.
Duke lënë jashtë vemendjes së investimeve shumë rrugë në qytetin e dytë peër nga rëndësia në vend./abcnews.al
Gazetare e ABC News: Enkeleda Arapi
