Analisti Frrok Çupi në “Newsline” në ABC News komentoi edhe reagimin e Lulzim Bashës pas vendimit të gjykatës së Apelit që i dha vulën Berishës.
Basha ka kërkuar rekurs të vendimit të Apelit, ndërsa është shprehur edhe për një parti të re. Analisti Çupi tha se Basha është një vazhdim i Berishës dhe se shumë prej krimeve kundër vendit i kanë bërë bashkë.
“Basha nuk është i qartë sepse vjen nga një histori me Berishën. Dhe duket se nuk ka për të mbaruar derisa Berisha të zbrazë thesin për krimet e rënda edhe ndaj kombit që një pjesë i ka bërë edhe me Bashën. Interesat e vendit janë ato që thotë SHBA, jo bashkëpunim me Berishën. Një jurist që nuk ka ndjeshmëri ndaj interesave të kombit nuk meriton të merret me punë publike. Sa për Bashën shohim që kërkon të ndërtojë një parti”, tha ai.
/abcnews.al/
