Loading ...
Të paktën 65 palestinezë, përfshirë gra dhe fëmijë janë vrarë nga sulmet izraelite gjatë natës në Deir El-Balah në Gazën Qendrore. Zyrtarët e spitalit Martirët e Al-Aksa thanë se 65 palestinezët e sjellë në spital kishin vdekur.
“Nuk kishte asnjë paralajmërim për objektin se lagjja ishte mjaft e sigurt, askush nuk u tha të largoheshin, nëse ishin paralajmëruar të largoheshin do të ishin larguar”, deklaroi një grua palestineze, të cilës iu vranë fëmijët nga sulmet izraelite.
Në video shfaqen disa fëmijë dhe gra të vdekur në spital teksa të afërmit e tyre pikëllohen.
Kujtojmë se mëngjesin e kësaj të mërkure, IDF lëshoi një deklaratë duke thënë se “trupat kanë filluar një aktivitet operacional të synuar në zonat e Bureij dhe Deir al Balah lindore si mbi tokë ashtu edhe nën tokë”, bazuar në “inteligjencën” që tregon praninë e luftëtarëve të Hamasit.
/abcnews.al
