Tensionet aktuale midis Izraelit dhe Hezbollahut janë “jashtëzakonisht të rrezikshme”.
Këtë e deklaroi zëdhënësi i Departamentit Amerikan të Shtetit, Matthew Miller, në një konferencë, sipas të cilit Shtetet e Bashkuara po punojnë për frenimin e dhunës në mënyrë që të parandalojnë shpërthimin e një lufte të plotë mes palëve.
Sipas Miller, një armëpushim në Gaza do të ndihmonte të arrihej një qetësi në Izraelin verior dhe Libanin jugor dhe mund të çonte në një marrëveshje afatgjatë që do të lejonte dhjetëra mijëra izraelitë të zhvendosur të kthehen në shtëpitë e tyre në kufirin verior.
Për zëdhënësin, situata aktuale është e paqëndrueshme dhe i bën përpjekjet për të arritur një zgjidhje diplomatike urgjente./abcnews.al
