Zinedine Zidane ka vendosur t’i kthejë përgjigje Leonardos, drejtorit teknik të PSG-së. Kylian Mbappe mbetet objektivi kryesor i Real Madrid. Trajneri francez shprehu dëshirën e patriotit të tij për të luajtur një ditë me “Los Blancos”, teksa braziliani i klubit francez i ka kërkuar të mos flasë më për lojtarët e skuadrave të tjera.
Zidane ka reaguar menjëherë dhe nuk ndryshon mendim, madje e përsërit diçka që në Francë nuk preferojnë ta dëgjojnë. “Unë kam shprehur vetëm dëshirën e lojtarit, i cili ëndërron të luajë me Real Madrid“, replikon shkurt Zidane gjatë konferencës për shtyp përpara ndeshjes kundër Eibar. /abcnews.al
