Bundesliga “uli siparin” e sezonit 2023-2024 këtë të shtunë, me kampionët e Bayer Leverkusen që fitoi me rezultatin 2-1 ndaj Augsburg dhe që në 34 javë kampionat nuk ka pësuar asnjë disfatë, duke e mbyllur këtë edicion në kuotën e 90 pikëve, teksa Augsburg u rendit në vend të 11-të me 39 pikë.
Sa i përket zonës se Champions League, katërt skuadrat e tjera që do të garojnë në këtë kompeticion përveç, Leverkusen janë Stuttgart, Bayern Munich, RB Leipzig dhe Dortmund.
Stuttgart mposhti Borussia Monchengladbach me rezultatin 4-0 në takimin e fundit dhe e mbylli sezonin duke u renditur në vend të dytë me 73 pikë, teksa skuadra mike e këtij takimi renditet në vend të 14-të me 34 pikë.
Ashtu siç ishte ecuria e sezonit, në po të njëjtën mënyrë u mbyll edhe takimi i fundit për Bayern Munich që u mposht me rezultatin 4-2 në transfertën e Hoffenheim. Bavarezët e mbyllin këtë edicion në vend të tretë me 72 pikë, teksa Hoffenheim në pozicionin që i takon Conference League, në vend të shtatë me 46 pikë.
RB Leipzig ngeci në barazimin 2-2 në transfertën e Eintracht Frankfurt, teksa e mbyll edicionin në vend të katërt me 65 pikë, teksa Frankfurt në pozicionin e Europa League ose thënë ndryshe në vend të gjashtë me 47 pikë.
Borussia Dortmund triumfoi me rezultatin 4-0 ndaj Darmstadt, duke u renditur në vend të pestë ose pozicioni e fundit të renditjes që shkon në Champions me 63 pikë, teksa miqtë e vendit të me 17 pikë prej javësh kanë rënë matematikisht nga Bundesliga.
Heidenheim e mbylli këtë edicion me rezultatin 4-1 ndaj Koln, duke u renditur në vend të tetë me 42 pikë, teksa miqtë prej pak javësh kanë rënë nga kategoria, pasi renditen në vend të 17-të me 27 pikë.
Wolfsburg fitoi me rezultatin 1-3 ndaj Mainz dhe e mbyll sezonin në vend të 12-të me 37 pikë, teksa miqtë e këtij takimi e mbyllin edicionin në vend të 13-të me 35 pikë.
Werder Bremen mposht Bochum me rezultatin 4-1 dhe e mbyll edicionin në vend të nëntë me 42 pikë, ndërsa Bochum shkon në “Play-Out” pasi e mbylli sezonin në vend të 16-të me 33 pikë.
Union Berlin shpëton sezonin në fitoren 2-1 ndaj Freiburg në takimin e fundit të sezonit 2023-2024 të Bundesliga. Union Berlin e mbyll këtë sezon duke u renditur në vend të 15-të me 33 pikë, po aq sa Bochum që shkon në “Play-Out”, por u favorizua nga diferenca e golave, ndërsa Freiburg e mbyll këtë sezon në vend të dhjetë me 42 pikë. /i.m /abcnews.al
