Policia greke ka vënë në pranga dy shtetas shqiptarë, të cilët janë kapur me një sasi të madhe droge.
Rreth orës 17.30 të ditës së martë, policia greke ka ndaluar në zonën e “Zografo” në Athinë, 38-vjeçarin Majkëll Muça, nga Tepelena. Atij i janë gjetur 150 pako që përmbanin 15 kg 230 gram hashash çokollatë.
Hetimet e policisë zbuluan se ai i shiste ato për llogari të 25-vjeçarit nga Patosi, Jonus Deliu.
Menjëherë është ushtruar kontroll në një banesë në rrugën “Alekou Panagouli” nr.17 në “Zografo” ku banonin dy shqiptarët. Brenda banesës janë gjetur dhe sekuestruar 70 pako me 7 kg 30 gram hashash çokollatë, 63 pako me 65 kg 387 gram marijuanë, 4 celularë dhe 200 euro.
Sakaq, është sekuestruar nga policia edhe 1 peshore elektronike. Në pranga është arritur të vendoset edhe 25-vjeçari Deliu./abcnews.al
