Pas disa muajsh “pushim”, “Bardhezinjtë” e Newcastle United kanë rizgjuar interesin e tyre për “gardianin” e “Topçinjve” të Arsenal, Aaron Ramsdale, me talentin anglez, i cili e ka humbur vendin e titullarit në këtë sezon ndaj David Raya që erdhi nga Brentford dhe si rrjedhojë një lëvizje në verë është opsioni më i logjikshëm.
Ramsdale po shqyrton ofertat dhe Neëcastle paraqet mundësinë më të mirë, për shkak edhe të projektit ambicioz të skuadrës për t’u ngritur edhe njëherë tjetër në majën e futbollit anglez, me këta të fundit, që momenatilsht në portë kanë sllovakun, Martin Dubravka, për shkak të dëmtimit të rëndë që pësoi Nick Pope pak muaj më parë në shpatull.
Megjithatë, me njërin 35 e tjetrin 32 vjeç, tekniku Eddie Howe duket se kërkon një lojtar të ri, për ta vendosur mes shtyllave, teksa kujtojmë se tekniku anglez është një admirues i madh i Ramsdale, teksa ishte pikërisht ai që e transferoi nga “Qershitë” e Bournemouth, te Sheffield United, nga ku bëri kapërcimin e madh te “gjiganët” e Londrës. /i.m /abcnews.al
