Një 25 vjeçar është arrestuar nga policia pasi tentoi të trafikonte një sasi kanabisi drejt Maqedonisë përmes kufirit jeshil.
Bexhet Hoxhallari u kap mbi fshatin Guras të Tushemishtit duke transportuar 7.2 kg kanabis të fshehur në thasë.
Sipas policisë 25 vjeçari, banues në Buçimas- Pogradec, ka qenë i dënuar më parë për vjedhje.
Lënda narkotike ishte e ndarë në tre pako, thuhet në njoftimin e policisë, të cilat u sekuestruan.
Materialet i kaluan Prokurorisë së Krimeve të Rënda në Tiranë për veprime të mëtejshme./abcnews.al
