Numri i të vdekurve nga ofensiva vdekjeprurëse e Izraelit në Rripin e Gazës ka arritur në 32,490 që nga 7 tetori i vitit të kaluar, tha Ministria e Shëndetësisë palestineze. Të paktën 74,889 palestinezë të tjerë janë lënduar në sulm, shtoi ministria në një deklaratë.
“Sulmet izraelite vranë 76 persona dhe plagosën 102 të tjerë në 24 orët e fundit. Shumë viktima janë ende të bllokuar nën rrënoja dhe në rrugë dhe shpëtimtarët nuk janë në gjendje t’i arrijnë ato,” thuhet në deklaratën e Ministrisë së Shëndetësisë.
Izraeli ka goditur Rripin e Gazës që nga sulmi ndërkufitar i Hamasit më 7 tetor 2023, i cili vrau rreth 1200 njerëz. Lufta izraelite, tani në ditën e saj të 173-të, ka shtyrë 85% të popullsisë së Gazës në zhvendosje të brendshme mes mungesës së ushqimit, ujit të pastër dhe ilaçeve, ndërsa 60% e infrastrukturës së enklavës është dëmtuar ose shkatërruar, sipas OKB-së.
/abcnews.al
