Erdhi një fitore në momentin më të mirë të mundshëm. “Pancerat” e Julian Nagelsmann hodhën pas krahëve humbjet ndaj Austrisë e Turqisë, teksa mbrëmjen e kësaj të shtune “përulën” në “fortesën” e Lionit, “Parc Olympique Lyonnais”, nënkampionët e botës, Francën, me rezultatin e pastër, 0 me 2, duke lumturuar jo pak tifozët e “Die Manschaft”.
Ndryshe nga çka jemi mësuar protagonist kryesorë nuk ishin prodhime të “Bavarezëve” të Bayern Munich, por të lidërve aktual të Bundesliga, Bayer Leverkusen, me “fantazistin” Florian Ëirtz, i cili shënoi një “perlë”, vetëm 7 sekondash pas fillimit të lojës dhe ish-“yllit” të “Aspirinave”, Kai Havertz, që në minutën e 49’-të, të pjesës së dytë dërgon topin në rrjetën e Samba, për të “vulosur” fitoren e pastër.
Falë kësaj fitoreje të madhe, tashmë duket se “Pancerat” janë gati për miqësoren e radhës, teksa mbrëmjen e 26 marsit do të presin në “Deutsche Bank Park”, të Frankfurtit, “Tulipanët” e Holandës, në një klasike të vërtetë evropiane, ndërsa “Gjelat” e Francës do të përballen me Kilin, “Stade Velodrome”, të Marsejës, po në 26 mars. /i.m /abcnews.al
SHIKONI GOLIN:
