Kryetari i Partisë Demokratike, Lulzim Basha është takuar me Drejtorin për Europën Qendrore dhe Lindore të institutit demokratik amerikan, NDI, Robert Benjamin. Në një postim në rrjetet sociale, Basha thotë se diskutuan për krizën politike në vend, zgjidhja e së cilës kalon përmes zgjedhjeve të lira dhe të ndershme.
“Derisa të jetë anëtare e Bashkimit Europian, para zgjedhjeve Shqipëria duhet të ketë një qeveri tranzitore që garanton zgjedhje të lira dhe të ndershme. Në këtë mënyrë do ti pritet rruga presionit ndaj votuesve dhe ndaj administratës, keqpërdorimit të fondeve publike dhe aseteve shtetërore dhe rolit të personave me rekorde kriminale dhe grupeve kriminale. Ndarja e politikës nga krimi është jetike për votën e lirë”, thotë Basha.
Më tej ai shqetëson se ndau shqetësimin e opozitës për vonesat në ngritjen e SPAK dhe BKH dhe vendosmërinë e Partisë Demokratike dhe opozitës së bashkuar që pasuritë që ka vendi dhe potencialin e jashtëzakonshëm njerëzor ti vëmë në të mirë të qytetarëve dhe jo në funksion të një grushti pushtetarësh të korruptuar dhe oligarkësh.
“Me ndihmën e çmuar të SHBA do të arrijmë ta kthejmë Shqipërinë në një demokraci funksionale dhe pasuritë e saj në zhvillim dhe mirëqenie për çdo familje shqiptare. Përfaqësuesit e Institutit Demokrat ndanë shqetësimin me të cilin po ndiqet në SHBA kriza politike në vend dhe konfirmuan gatishmërinë për të dhënë kontributin e tyre për zgjidhjen e saj dhe forcimin e demokracisë”, shprehet Basha.
/abcnews.al
