“Pi raki e mendoj për ty”, kënga e publikuar nga Valton Krasniqi u bë hit në vitin 2005.
Por kjo këngë është publikuar para pesë ditëve nga Capital T, gjë e cila ka sjellë edhe reagimin e Valton Krasniqit, i cili shprehet se ka kërkuar përqindje të fitimeve.
Ai tregoi se e ka regjistruar dhe publikuar këtë këngë para 20 viteve.
“Unë me të gjithë i kam raportet mirë me të gjithë këngëtarët. Nuk kam asnjë arsye përse të padis dikë. Por kërkoj fitimet që më takojnë. Unë kam të drejtë 100 % nga çfarë ata marrin. Unë si autor kam të drejtë të vendos nëse ke apo të drejtë të bësh coverin e këngës time. Para disa vitesh e njëjta histori është përsëritur edhe me një tjetër këngëtare, Melinda Ademi. Ajo e titulloi çifteli, edhe për atë çështje është hapur gjyq. “Lei Lei” është kënga që mori disa çmime në vitin 2004″, u shpreh ai.
Krasniqi shpjegoi që me një kompani zvicerane ka nisur procedurat e gjyqit, ndërsa thekson se me kolegët nuk ka asgjë personale.
Megjithatë ai tregoi se së shpejti do të sjellë e këngë të reja për publikun, me dëshirën për t’u pëlqyer sa më shumë.
/abcnews.al/
