Loading ...
Angelina Mango është vajza 22-vjeçare që triumfoi mbi të gjithë në festivalin “Sanremo 2024”. Këngëtarja e re, me këngën “Mërzia” shkruar së bashku me Madame, ka marrë 40.3 për qind të totalit të votave, në tre mënyrat: Televotim, Press Room dhe juria e radios
Mes lotësh ajo falënderoi publikun për mbështetjen që i ka dhënë. Edhe babai i saj Mango u ngjit në skenën e Sanremos në 1985 për të debutuar në kategorinë e të rinjve.
“Babai im u ngjit në këtë skenë gati 40 vjet më parë. E sigurisht kjo më lidh më shumë me skenën sepse është një vend jo i panjohur për familjen. Kam dëgjuar shumë të flasin për Sanremon që kur kam qenë fëmijë. Prandaj është një emocion i madh të ngjitesh në këtë skenë”, tha ajo.
Në finalen e edicionit të 74-të të festivalit të Sanremos, Geolier u rendit i dyti, ndërsa e treta ishte Annalisa me këngën “Sinqerisht”. Mango do të përfaqësojë Italinë edhe në Festivalin Evropian të Këngës Eurovision.
Një këngë jo shumë konvencionale si për Sanremon, ku kryesisht fitojnë baladat e lehta.
Është ndoshta edhe kënga më ekstravangante fituese që prej kur Maneskin me hard rock-un e tyre “Zitti e Buoni” triumfoi jo vetëm në Sanremo, por edhe në Eurovision.
/abcnews.al
