Izraeli ka shkatërruar shumicën e batalioneve të Hamasit, por disa mbeten në qytetin jugor të Gazës, Rafah, ka thënë kryeministri i vendit, Benjamin Netanyahu.
Duke folur në një mbledhje të kabinetit, kryeministri izraelit tha se forcat e tij do të duhet të “përballen” me atë që është ende duke vepruar në jug të enklavës.
Qindra mijëra njerëz kanë ikur në Gazën jugore që kur Izraeli filloi operacionin e tij tokësor pas sulmeve të Hamasit të 7 tetorit. Kombet e Bashkuara kanë paralajmëruar se situata humanitare vazhdon të përkeqësohet me furnizimet mjekësore, ushqimin dhe ujin.
Nga ana tjetër Izraeli ka deklaruar se është i vendosur të shkatërrojë Hamasin dhe ta parandalojë që të kthehet në pushtet në Gaza. /abcnews.al
