Mesfushori i Manchester City, Kalvin Phillips, pritet të largohet nga “Etihad” në huazim këtë janar, pasi ai kërkon të luaj rregullisht për të siguruar vendin e tij në skuadrën e Anglisë për Euro 2024 më vonë këtë vit. Ai do të ishte i hapur për ta bërë këtë në Barcelonë.
Sipas gazetës ‘Sport’, Phillips është i etur për një kalim te Barcelona në formë huazimi dhe ka ngadalësuar procesin e tij të vendimmarrjes në mënyrë që t’u japë blaugranëve një shans për të gjetur 40 milionë euro që u nevojiten nga një investitor për të sjellë një mesfushor.
Barcelona do të konsideronte vetëm një huazim ku do t’i paguajë pagën e tij, por jo tarifë te City, dhe Phillips gjithashtu do të kërkonte garanci për kohën e lojës. Pavarësisht se është i hapur për të luajtur për Barcelonën, ai nuk do ta lërë fatin e tij deri në ditët e fundit të merkatos së janarit.
Me Atletico Madrid, Newcastle United, West Ham United dhe Crystal Palace gjithashtu të interesuar, shanset e Barcelonës duken ende jashtëzakonisht të pakta.
Më e fundit është se City po kërkon një tarifë prej 8 milionë euro për gjashtë muajt e ardhshëm, gjë që do të përjashtonte dyshen spanjolle, por edhe nëse këto kërkesa ulen, skuadrat e Premier League do të ishin ende të gatshme të paguajnë më shumë sipas të gjitha gjasave./h.ll/abcnews.al
