Drejtori sportiv i Juventusit, Fabio Paratici ka bërë një krahasim duke deklaruar se Atalanta është Leicesteri i Italisë. Por megjithatë trajneri i Atalantës, Gan Piero Gasperini nuk është i këtij mendimi.
Në një intervistë të dhënë për ‘Corriere Dello Sport’ Gasperini kundërpërgjigjet: “Ai na komplimentoi ne, por Fabio e di shumë mirë se rivalë për titullin Juvja ka vetëm veten e saj. Atë që ka bërë Leicesteri i Ranierit nuk do të përsëritet më, ishte një përrallë. Nuk ka merita në futbollin Italian edhe nëse Atalanta e mbyll sezonin në vendin e tretë, të katërt apo të pestë për tre sezone rradhazi, përsëri nuk mund të krahahsohet me klubet e mëdha”.
Më tej trajneri flet edhe për anën financiare të klubit. “Paratë nuk do të zbresin në fushë dhe të të fitojnë ty lojën. Por, megjithatë aspekti financiar është i rëndësishëm pasi të detyron të shesësh lojtarë €20-25m kur klubet e mëdha mund të paguajnë më shumë”.-mbyll italiani. /abcnews.al
