Kylian Mbappe është ëndrra e madhe dhe duket si një hakmarrje e Barcelonës ndaj Realit të Madridit, që këtë verë tentoi të afrojë Neymar nga PSG. Francezi do madrilenët, por mund të veshë në të ardhmen bluzën e katalanasve dhe në Spanjë kanë nisur të qarkullojnë zërat e parë.
“El Mundo Deportivo” shkruan se Barcelona ëshët në kërkim të një sulmuesi qendror, por ka dilema në lidhje me kohën se kur do të bëhet ndërhyrja. Gjithçka varet nga paraqitja që do të bëjë këtë sezon Luis Suarez. Uruguaiani mbush 34 vjeç në janar dhe normalisht mosha nuk jep shumë siguri për të ardhmen. Kështu spanjollët po mendojnë të lëvizin.
Mbappe ka një kontratë të vlefshme deri në vitin 2022 dhe këtë verë duket e vështirë për ta transferuar sulmuesin. Në verën e vitit 2021 gjërat bëhen më të lehta, pasi PSG normalisht duhet të mendojë të mos i ikë nga duart një lojtar i rëndësishëm me parametra zero. Real Madrid gjithashtu e ka një sy te sulmuesi.
Në artikullin e gazetës spanjolle thuhet se edhe Harry Kane është një nga lojtarët që Barcelona e pëlqen për sulmin.Përmendet edhe Roberto Firmino i Liverpool, por për të nuk ka konsenus të plotë. Madje më shumë pëlqehet Marcus Rashford i Manchester United. Nuk mbetet jashtë listës së dëshirave edhe argjentinasi i Interit, Lautaro Martinez. /abcnews.al
