Një izraelite është cilësuar heroinë, pasi shpëtoi komunitetin e Nir Am nga Hamasi ndërsa terroristët e Hamasit filluan sulmet.
Lieberman, e cila ka qenë pjesë e sigurisë në rajon që nga dhjetori 2022, dëgjoi shpërthimet herët të shtunën kur Hamasi nisi sulmin e paprecedentë dhe vdekjeprurës ndaj Izraelit.
Ajo e kuptoi shpejt se zhurmat ishin të ndryshme nga ato që dëgjonte gjatë sulmeve të zakonshme me raketa dhe nxitoi t’i shpërndante armët ekipit të sigurisë prej 12 anëtarësh.
25-vjeçarja vendosi ekipin e saj në pozicione strategjike në të gjithë vendbanimin, duke ngritur prita dhe duke kthyer tavolinat ndaj forcave që vinin përballë. Ajo vetë vrau pesë terroristë, ndërsa pjesa tjetër vrau 20 të tjerë në një hark kohor prej katër orësh.
Ndërkohë që terroristët vrisnin qindra civilë në fshatrat fqinjë, duke u prerë kokat edhe foshnjave në shtretër dhe duke rrëmbyer dhjetëra izraelitë, 25-vjeçarja me vendimin e saj të guximshëm shpëtoi vendbanimin duke e kthyer në një kështjellë të pathyeshme.
Siç vë në dukje Daily Mail, Nir Am është një nga komunitetet e pakta ku terroristët e Hamasit u përpoqën të hynin, por u zmbrapsën.
/abcnews.al
