Bayern Munchen u befasua në shtëpi nga Hoffenheim dhe pësoi humbjen e parë në kampionat. Miqtë triumfuan në Allianz Arena 1-2 dhe armeni Adamyan ishte autori i dy golave.
Niko Kovac e pranon se ekipi i tij nuk ishte në ditën më të mirë dhe kreu shumë gabime. Trajneri i Bayernit vlerëson pjesën e parë, ndërsa 45 minutëshi i dytë është për t’u harruar. Kroati tregohet i sinqertë dhe e pranon se Hoffenheim e meritoi suksesin.
“Nuk arritëm të përsërisnim paraqitjen e bërë në Champions League. Pjesa e parë ishte e mirë, krijuam raste, por duhet të kishim bërë edhe më shumë. Në pjesën e dytë nuk luajtëm mirë. Gabuam shumë dhe nuk i vumë nën presion kundërshtarët. Fitorja e Hoffenheim nuk ishte e pamerituar”, përfundon Nico Kovac. /abcnews.al
